మల్టీ లెవెల్ మార్కెటింగ్ ఆంటే ఖచ్చితంగా మోసమే

అభిరాం అనే మిత్రునికి మల్టీ లెవెల్ మార్కెటింగ్ మోసమా కాదా అని అనుమానం వచ్చింది. అది ఖచ్చితంగా మోసమే అని చెప్పవచ్చు.

ఒకరు ఇద్దరినీ ఆ ఇద్దరు మరి ఇద్దరినీ చేర్పించడం అనేది ఈ మార్కెటింగ్ పధ్ధతి. దీనిని నిరంతరంగా సాగే గోలుసుకట్టుగా చెప్పవచ్చు. ఈ గొలుసు నిరంతరం సాగదని త్వరలోనే తెగి పోతుందని అందరికి తెలుసు. ఇలా తెలిసి సభ్యులుగా చేర్పించడం అనేది మోసం క్రిందకు వస్తుందని సుప్రీం కోర్ట్ కురియచన్ చాకో కేసులో (2008) స్పష్టం చేసింది.

ఇంకా కేరళ విషయానికి వస్తే, కేరళ ప్రభుత్వం డైరెక్ట్ సెల్లింగ్ అంటే ఏమిటో చెప్పింది. సభ్యత్వ రుసుం వసూలు చేయ కూడదని, ఇంటింటికి వెళ్లి వస్తువులు అమ్మే వాళ్ళు ప్రభుత్వం ఇచ్చిన గుర్తింపు కార్డులు దగ్గర ఉంచుకోవాలి అని స్పష్టం చేసింది.

దొంగ వ్యాపారాలు చేసే డైరెక్ట్ సెల్లింగ్ కంపెనీలు వీటిని అనుసరించడం లేదు అందుకనే వీటిని మోసం అంటున్నాను. 

ఇంకా డైరెక్ట్ సెల్లింగ్ కంపెనీలు సంగతి చూస్తె, ప్రతి సంవత్సరం సభుత్వ రుసుం వసూలు చేస్తాయి. ప్రతి నెల తప్పని సరిగా కనీసం కొన్ని ఉత్పత్తులు కొనాలి. ఆ ఉత్పత్తులు అన్ని ఎక్కువ ఖరీదుతో ఉంటాయి కాబట్టి వీటిని సభ్యులు తిరిగి ఎవరికైనా అమ్మడం దాదాపు అసాధ్యం. అందువల్ల ఎక్కువ శాతం సభ్యులు మానేస్తు ఉంటారు. కాని వారు ఎందుకు మానేసారో వారు ఎవరికీ చెప్పారు.

అంతే కాదు వారు కంపెని చేసింది మోసం అని గ్రహించక, తప్పు వారిదని భావిస్తారు. ఇందువల్ల ఇటువంటి కంపెనీల్లో చేరే వారిలో ఎక్కువ మంది అతి కొద్ది కాలంలో మానేస్తారు కాని కంపెనీల పై మోసం చేసారని కేసులు పెట్టరు. అదికాక వారిని సభ్యులుగా చేర్పించిన వారు వారి స్నేహితులు కాని బంధువులు కాని అయి ఉంటారు కాబటి, కేసులు పెట్టరు. కాని అటువంటి కంపెనీలో చేర్పించినందుకు వారిని మరెప్పుడు నమ్మరు. ఇలా సాంఘిక సంబంధాలు దెబ్బ తింటున్నాయి.